សិស្ស ICES ជំនាន់ទី៣ ធ្វើដំណើរផ្លាស់ប្ដូរការសិក្សានៅសហរដ្ឋអាមេរិកនៅថ្ងៃនេះ
ដោយលើកដៃសំពះលាក្រុមគ្រួសារ មុនពេលចេញដំណើរទៅប្រទេសដែលសម្បូរបែបបំផុតក្នុងពិភពលោក សិស្សអាយស៊ីអ៊ីអេស ជំនាន់ទី៣ មិនអាចរង់ចាំក្នុងការចំណាយពេលសិក្សាថ្នាក់វិទ្យាល័យ និងក្រេបជញ្ជាក់បទពិសោធដ៏មានសក្តានុពលនៅទីនោះឡើយ។
ក្នុងនាមជាសិស្សម្នាក់ ក្នុងចំណោមសិស្សទាំង១៥ដែលត្រូវចេញដំណើរទៅនៅថ្ងៃនេះ រិទ្ធ បញ្ញាបុត្រ ដែលសិក្សាថ្នាក់ទី១១ បានចែករំលែកដោយក្តីរីករាយថា «ខ្ញុំរំពឹងថា សហរដ្ឋអាមេរិកនឹងក្លាយជាកន្លែងដ៏អស្ចារ្យមួយ ដោយខ្ញុំអាចរៀនអំពីវប្បធម៌ជាច្រើន ព្រោះទីនោះគឺជាប្រទេសចម្រុះជាតិសាសន៍។ ប្រសិនបើអ្នកចង់ចូលរួមកម្មវិធីផ្លាស់ប្តូរការសិក្សាថ្នាក់វិទ្យាល័យនៅក្រៅប្រទេស អ្នកគួរតែដាក់ពាក្យឥឡូវនេះ ព្រោះវាជាឱកាសតែម្តងក្នុងមួយជីវិត។ អ្នកអាចទៅសិក្សានៅក្រៅប្រទេស ខណៈចែករំលែកវប្បធម៌របស់អ្នកជាមួយជាតិសាសន៍ដទៃ»។
ពិតណាស់ ការផ្លាស់ប្តូរការសិក្សតាមរយៈអាយស៊ីអ៊ីអេស មានន័យថា សិស្សានុសិស្សមិនត្រឹមតែទទួលបានការអប់រំអន្តរជាតិប៉ុណ្ណោះទេ ប៉ុន្តែសិស្សានុសិស្សក៏អាចទៅទស្សនារដ្ឋនានានៅទូទាំងសហរដ្ឋអាមេរិក ហើយក្នុងអំឡុងឆ្នាំសិក្សា ពួកគេក៏នឹងមានការឱកាសចូលរួមដំណើរទេសចរណ៍ក្នុងវគ្គតម្រង់ទិសនៅក្រុងញូវយ៉កផងដែរ ដែលពួកគេនឹងជួបជាមួយសិស្សអាយស៊ីអ៊ីអេសជាច្រើននាក់ មកពីប្រទេសផ្សេងៗគ្នា។ លើសពីនេះទៅទៀត សិស្សទាំងអស់នឹងត្រូវរស់នៅជាមួយគ្រួសារចិញ្ចឹម ឬក្នុងបន្ទប់ស្នាក់នៅក្នុងសាលា ហើយពួកគេអាចស្វែងរកអ្វីដែលគួរឱ្យចាប់អារម្មណ៍ និងរំភើប ដើម្បីស្វែងយល់បន្ថែមអំពីខ្លួនឯង។
.jpg)
ជាលើកដំបូងដែលត្រូវធ្វើដំណើរឆ្ងាយដោយមិនមានគ្រួសារទៅជាមួយ យុវសិស្សម្នាក់ទៀតឈ្មោះ សួន សុវណ្ណ បានបង្ហាញអារម្មណ៍យ៉ាងដូច្នេះ «ខ្ញុំភ័យផង និងមានមោទនភាពផងក្នុងពេលតែមួយ ដែលបានចូលរួមជាសិស្សអាយស៊ីអ៊ីអេសជំនាន់ទី៣។ ហើយខ្ញុំទន្ទឹងរង់ចាំជួបគ្រួសារចិញ្ចឹមរបស់ខ្ញុំ នៅពេលទៅដល់សហរដ្ឋអាមេរិកភ្លាម ហើយខ្ញុំនឹងចំណាយពេលវេលាដ៏អស្ចារ្យចំនួន១០ខែ ដើម្បីជួបអ្វីជាច្រើនដែលមិននឹកស្មានដល់»។
ជាមួយគ្នានេះផងដែរ ជាមួយនឹងស្នាមញញឹម និងមោទកភាព ម្តាយរបស់សុវណ្ណ និយាយថា «ខ្ញុំមានអារម្មណ៍រំភើបដែលកូនរបស់ខ្ញុំអាចចូលរួមក្នុងកម្មវិធីផ្លាស់ប្តូរការសិក្សាថ្នាក់វិទ្យាល័យនៅសហរដ្ឋអាមេរិក។ ខ្ញុំពិតជាអរគុណដល់ អាយស៊ីអ៊ីអេស ដែលនាំយកនូវកម្មវិធីដ៏អស្ចារ្យនេះសម្រាប់សិស្សថ្នាក់វិទ្យាល័យ ដើម្បីទទួលបានបទពិសោធអំពីប្រព័ន្ធអប់រំ និងវប្បធម៌របស់សហរដ្ឋអាមេរិក និងអាចធ្វើជាគំរូ ដើម្បីចែករំលែកដល់សិស្សជំនាន់ក្រោយ»។
.jpg)
ទោះបីជាមានការរំខានពីជំងឺរាតត្បាតកូវីដ-១៩ ដែលកំពុងរាលដាលពាសពេញពិភពលោកក៏ដោយ ក៏ចំនួនអ្នកសិក្សាវ័យក្មេងនៅតែបន្តកើនឡើង ហើយអ្នកអាណាព្យាបាលកាន់តែច្រើន បន្តមានភាពជឿជាក់លើ អាយស៊ីអ៊ីអេស (ខេមបូឌា) ដោយបង្ហាញឆន្ទៈរបស់ពួកគេក្នុងការបញ្ជូនកូនៗទៅសិក្សានៅក្នុងមជ្ឈដ្ឋានមួយផ្សេងទៀត ដែលពោរពេញទៅដោយវប្បធម៌ចម្រុះ ប្រព័ន្ធអប់រំដ៏សម្បូរបែប និងរបៀបរស់នៅទំនើប។
ជាសារទៅកាន់សិស្សជាច្រើនដែលមានក្តីស្រមៃចង់ទៅសិក្សានៅក្រៅប្រទេស សុវណ្ណ បានបន្ថែមថា «ខ្ញុំចង់ប្រាប់ថា អ្នកត្រូវប្រឹងប្រែងឱ្យអស់ពីសមត្ថភាពក្នុងសាលា ហើយព្យាយាមរក្សាមធ្យមភាគយ៉ាងហោចណាស់ត្រឹមនិទ្ទេស “C” ក្នុងមុខវិជ្ជាសំខាន់ៗដូចជា គណិតវិទ្យា និងរូបវិទ្យា។ កុំរង់ចាំដល់ថ្នាក់សាកលវិទ្យាល័យ ទើបចាប់ផ្តើមដំណើរសិក្សារបស់អ្នក។ គួរតែស្វែងយល់ពីពិភពលោកឥឡូវនេះ ហើយនាំយកអ្វីដែលល្អបំផុតមកកាន់ប្រទេសរបស់យើងវិញ!»
គួរជម្រាបថា អាយស៊ីអ៊ីអេស (ខេមបូឌា) ផ្តល់ជូននូវកម្មវិធីសិក្សាថ្នាក់វិទ្យាល័យនៅក្រៅប្រទេស និងកម្មវិធីផ្លាស់ប្តូរការសិក្សានៅសហរដ្ឋអាមេរិក ហើយអាយស៊ីអ៊ីអេស (ខេមបូឌា) នឹងពង្រីកកម្មវិធីបន្ថែមទៀត ទៅកាន់ប្រទេសផ្សេងៗ ដូចជាចក្រភពអង់គ្លេស កាណាដា និងអូស្ត្រាលី។ តើអ្នកចាប់អារម្មណ៍ចូលរួម និងចង់បន្តដំណើរដ៏រំភើបនេះមែនទេ? ដូច្នេះវាគឺជាពេលវេលាសម្រាប់អ្នកហើយ សូមចូលរួមជាមួយពួកយើងឥឡូវនេះ!
សម្រាប់តម្លៃសិក្សា គឺចាប់ផ្តើមពី ១១ ០០០ដុល្លារក្នុងមួយឆ្នាំសិក្សា ដែលបូករួមទាំងសាលារៀន ការស្នាក់នៅ និងសេវកម្មជាច្រើនទៀត។ ដើម្បីដាក់ពាក្យចូលរួម សិស្សានុសិស្សត្រូវប្រឡងភាសាអង់គ្លេសជាមុនសិន ដោយចុះឈ្មោះធ្វើតេស្តតាមរយៈ៖ https://forms.gle/kssVi53beRzEQYmY6 ឬទូរសព្ទមកលេខ៖ 078 964 185, 061 924 141
.jpg)
