កម្មករ​នៅ​រោងចក្រ​កាត់​ដេរ​មួយ​នេះ​ឆ្លង​កូ​វី​ដ​-​១​៩​ ​ជិត​៥​០​នាក់​

​រោងចក្រ​កាត់​ដេរ​ ​ឌី​ន​ ​ហាន​ ​នៅ​សង្កាត់​ស្ទឹង​មានជ័យ​ទី​៣​ ​ខណ្ឌ​មានជ័យ​ ​រាជធានី​ភ្នំពេញ​ ​ពិតជា​មានកម្ម​ករ​កាត់​ដេរ​ប្រមាណ​៥​០​នាក់​បាន​ឆ្លង​កូ​វី​ដ​-​១​៩​មែន​។​ ​នេះ​បើ​តាម​សារ​ជា​សំឡេង​របស់​លោក​ ម៉េ​ត​ ​មាស​ភក្តី​ ​អ្នកនាំពាក្យ​សាលា​រាជធានី​ភ្នំពេញ​ប្រកាស​នៅ​ថ្ងៃ​ទី​៧​ ​ខែ​មេសា​យប់មិញ​ ​ដោយ​លោក​បញ្ជាក់​ថា​ ​អាជ្ញាធរ​មានសមត្ថកិច្ច​និង​ក្រុម​គ្រូពេទ្យ​បាន​ចុះ​យក​សំណាក​កម្មករ​ផ្សេងទៀត​ទាំងយប់​នៅ​ក្នុង​រោងចក្រ​ផ្ទាល់​តែម្តង​។​ ​អាជ្ញាធរ​បាន​ប្រាប់​ថា​ ​ក្នុង​រោងចក្រ​កាត់​ដេរ​ ​ឌី​ន​ ​ហាន​ ​មានកម្ម​ករ​ចំនួន​ ​២​ ​៥​៦​២​ ​នាក់​។​

​អ្នកនាំពាក្យ​សាលា​រាជធានី​ភ្នំពេញ​ ​លោក​ ម៉េ​ត​ ​មាស​ភក្តី​ ​បាន​អំពាវនាវ​ដល់​កម្មករ​កាត់​ដេរ​នៅ​រោងចក្រ​នេះ​ទៅ​ធ្វើ​តេ​ស្ត​រក​មេរោគ​កូ​វី​ដ​-​១​៩​ទាំងអស់គ្នា​។​

​នៅ​ថ្ងៃ​ទី​៧​ ​ខែ​មេសា​ ​សាលា​រាជធានី​ភ្នំពេញ​បាន​ប្រកាស​ពី​អត្តសញ្ញាណកម្ម​ករ​កាត់​ដេរ​នៅ​រោងចក្រ​ ​ឌី​ន​ ​ហាន​ ​ចំនួន​១​៣​នាក់​ ​ដែល​រក​ឃើញ​ឆ្លង​កូ​វី​ដ​-​១​៩​ ​កាលពី​ថ្ងៃ​ទី​៦​ ​ខែ​មេសា​ ​ឆ្នាំ​២​០​២​១​ ​ក្នុងចំណោម​អ្នក​ឆ្លង​កូ​វី​ដ​-​១​៩​ ​សរុប​នៅ​ភ្នំពេញ​ចំនួន​៧​៨​នាក់​៕​