ករណីអ្នកផ្ទុកកូវីដ-១៩ នៅកម្ពុជាបានកើនដល់២៥៤៦នាក់ ខណៈមុននេះបន្តិចក្រសួងសុខាភិបាល ចេញសេចក្តីជូនដំណឹងពីការរកឃើញអ្នកឆ្លងកូវីដថ្មីចំនួន៦៩នាក់បន្ថែមទៀត ដោយ១នាក់អ្នកដំណើរពីបរទេស។
តាមសេចក្តីជូនដំណឹងរបស់ក្រសួងសុខាភិបាល នៅថ្ងៃទី២ ខែមេសា ឆ្នាំ២០២១ នេះ បានបញ្ជាក់ថា ក្នុងចំណោមករណីឆ្លងថ្មីទាំង៦៩នាក់នេះ គឺមានជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈ ចំនួន៦៨នាក់ និង១នាក់ផ្សេងទៀតជាអ្នកដំណើរចូលមកកម្ពុជា។ ក្នុងនោះរួមមានភ្នំពេញ មានអ្នកឆ្លង២៣នាក់, ខេត្តកណ្ដាល១៣នាក់, និងខេត្តព្រះសីហនុ៤នាក់ និងខេត្តស្វាយរៀង២៨នាក់។
គួរជម្រាបថា សម្រាប់ថ្ងៃដដែលនេះ ក្រសួងបញ្ជាក់ថា មានអ្នកជាសះស្បើយ១៦នាក់ថ្មីបន្ថែមទៀត ដែលធ្វើឱ្យអ្នកជាសរុបកើនដល់ ១២៥៦នាក់ និងអ្នកកំពុងសម្រាកព្យាបាលមានចំនួន១២៧០នាក់ ខណៈម្សិលមិញនេះមានអ្នកស្លាប់ចំនួន ២ នាក់បន្ថែមទៀត ដែលធ្វើឱ្យចំនួនអ្នកស្លាប់កើនឡើងដល់ ១៦នាក់៕
Visit Today : 484
Visit Yesterday : 849
This Month : 10018
This Year : 14124
Total Visit : 14124
