មនុស្ស​៣​៧​ឆ្លង​កូ​វី​ដ​ក្នុ​សហគមន៍​ ​ខណៈ​៤​៩​ជាសះស្បើយ​ឡើងវិញ​

ករណី​អ្នក​ផ្ទុក​កូ​វី​ដ​-​១​៩​ ​នៅ​កម្ពុជា​បាន​កើន​ដល់​២​៤​៧​៧​នាក់​ ​ខណៈ​ក្រសួងសុខាភិបាល​ ​បន្ត​រក​ឃើញ​ករណី​ថ្មី​ចំនួន​៣​៧​នាក់​ទៀត​។​ ​នេះ​បើ​តាម​ក្រសួងសុខាភិបាល​ ចេញ​សេចក្ដី​ជូន​ព័ត៌មាន​នៅ​ព្រឹក​ថ្ងៃ​ទី​១​ ​ខែ​មេសា​ ​ឆ្នាំ​២​០​២​១​។​

​តាម​សេចក្តីជូនដំណឹង​របស់​​​ក្រសួងសុខាភិបាល​ ​ដដែល​បញ្ជាក់​ថា​ ​ក្នុងចំណោម​ករណី​ឆ្លង​ថ្មី​ទាំង​៣​៧​នាក់​នេះ​ ​គឺ​មាន​ជាប់​ពាក់ព័ន្ធ​នឹង​ព្រឹត្តិការណ៍​សហគមន៍​២​០​កុម្ភៈ​៣​៥​នាក់​ ​និង​២​នាក់​ផ្សេងទៀត​ជា​អ្នកដំណើរ​ចូល​មក​កម្ពុជា​។​ ​ក្នុង​នោះ​រួម​មាន​ភ្នំពេញ​ ​មាន​អ្នក​ឆ្លង​៣​០​នាក់​, ​ខេត្ត​កណ្ដាល​៣​នាក់​, ​និង​ខេត្ត​ព្រះ​សី​ហ​នុ​២​នាក់​។​

​សម្រាប់​ថ្ងៃ​ទី​១​ ​ខែ​មេសា​ ​ឆ្នាំ​២​០​២​១​ ​ដដែល​នេះ​ ​មាន​អ្នក​ជាសះស្បើយ​៤​៩​នាក់​ថ្មី​បន្ថែម​ទៀត​ ​ដែល​ធ្វើ​ឱ្យ​អ្នកជា​សរុប​កើន​ដល់​ ​១​២​៤​០​នាក់​ ​ខណៈ​អ្នក​កំពុង​សម្រាក​ព្យាបាល​មាន​ចំនួន​១​២​១​៩​នាក់​ ​និង​ស្លាប់​១​៤​នាក់​។​ ​នេះ​បើ​តាម​ប្រភព​ដដែល​៕​