ខេត្ត​ព្រះ​សី​ហ​នុ ​បន្ត​បិទ​សណ្ឋាគារ​ ​និង​កា​ស៊ី​ណូ ​ជាបន្តបន្ទាប់​ក្រោយ​ចិន​៤​នាក់​ផ្ទុក​Co​v​i​d​19

​រដ្ឋបាល​ខេត្ត​ព្រះ​សី​ហ​នុ ​នៅ​ថ្ងៃ​ទី​ ​២​៦​ ​ខែកុម្ភៈ​ ​ឆ្នាំ​២​០​២​១​នេះ​ ​បាន​ឱ្យ​ដឹង​ថា​ ​ក្រុម​ឆ្លើយតប​បន្ទាន់​នៃ​មន្ទីរ​សុខាភិបាល​ ​ខេត្ត​ព្រះ​សី​ហ​នុ ​បាន​យក​សំណាក​តេ​ស្ត​ពី​បុរស​ជនជាតិ​ចិន​ចំនួន​៤​នាក់​ ​ឈ្មោះ​ ​FAN​ ​YON​G​FEN​G​ ​អាយុ​៣​៣​ឆ្នាំ​, ​ឈ្មោះ​ ​Z​HANG​ ​D​H​U​I​, ​ឈ្មោះ​ ​WAN​G​ ​G​UON​DON​G​ ​អាយុ​៣​៦​ឆ្នាំ​ ​និង​ឈ្មោះ​ ​WAN​G​ ​Z​H​I​LONG​ ​អាយុ​២​៧​ឆ្នាំ​ ​ដែល​ស្នាក់​នៅ​សណ្ឋាគារ​ ​និង​កា​ស៊ី​ណូ ហ្គូដេ​ស​ ​រក​ឃើញ​វេជ្ជ​មាន​កូ​វី​ដ​១​៩​។​

​បើ​តាម​អភិបាល​ខេត្ត​ ​លោក​ គួ​ច​ ​ចំ​រើ​ច​ ​បាន​ឱ្យ​ដឹង​ថា​ ​ដើម្បី​ទប់​ស្កាត់​ការ​រីក​រាលដាល​ជំងឺ​កូ​វី​ដ​១​៩​ ​ចូល​សហគមន៍​ត​ម្រួ​វ​ឱ្យ​ផ្អាក​ជា​បណ្តោះអាសន្ន​ ​ស​ណ្ឋា​គា​ ​កា​ស៊ី​ណូ ហ្គូដេ​ស​ អេ​ន​ ​លី​ប៊ើ​ធី​ ​ស្ថិតនៅ​ភូមិ​១​ ​សង្កាត់​លេខ​៣​ ​ក្រុង​ព្រ​ហ​សី​ហ​នុ ​ជាបន្ទាន់​ដោយ​មិន​អនុញ្ញាត​ឱ្យ​ភ្ញៀវ​ថ្មី​ចូល​ស្នាក់​នៅ​ ​ហើយក៏​មិន​អនុញ្ញាត​ឱ្យ​ភ្ញៀវ​ដែល​កំពុង​ស្នាក់​នៅ​ក្នុង​សណ្ឋាគារ​ចេញចូល​ ​ដោយ​គ្មាន​ការអនុញ្ញាត​ពី​អាជ្ញាធរ​មានសមត្ថកិច្ច​ឡើយ​។​

​លោក​បន្ត​ថា​ ​ក្នុង​ដំណាក់កាល​នេះ​ ​អ្នក​ពាក់ព័ន្ធ​ទាំងអស់​នៅ​ក្នុង​អគារ​ត្រូវតែ​យក​សំណាក់​តេ​ស្ត​ ​និង​ធ្វើ​ច​ត្តាឡី​ស័ក​ ​គ្រប់​ៗ​គ្នា​ឱ្យ​បាន​ត្រឹមត្រូវតាម​ការណែនាំ​របស់​​​ក្រសួងសុខាភិបាល​ ​ក្នុង​ករណី​មិន​អនុវត្ត​តាម​ការណែនាំ​ ​រដ្ឋបាល​ខេត្ត​ព្រះ​សី​ហ​នុ ​នឹង​ចុះ​អនុវត្ត​វិធានការ​តាម​នីតិ​វី​ធី​ច្បាប់ជាធរមាន​។​

​សូម​ជម្រាប​ថា​ ​គិត​ត្រឹម​ព្រឹក​ថ្ងៃ​ទី​២​៦​ ​ខែកុម្ភៈ​ ​ឆ្នាំ​២​០​២​១​ ​ក្រសួងសុខាភិបាល​ ​បាន​រក​ឃើញ​អ្នក​ឆ្លង​សរុប​នៅ​ទូទាំង​ប្រទេស​កើន​ឡើង​ដល់​ ​៧​៤​១​នាក់​ ​។​ ​នៅ​ក្នុង​នោះ​៤​៧​៧​នាក់​ ​បាន​ជាសះស្បើយ​ ​និង​កំពុង​សម្រាក​ព្យាបាល​ចំនួន​២​៦​២​នាក់​៕​