ក្រសួង​ព័ត៌មាន​ ​ស្នើ​អង្គភាព​សារ​ព័ត៌មាន​នីមួយៗ​បើក​វគ្គ​ជំនាញ​អ្នក​សារ​ព័ត៌មាន​បន្ថែម

​​តាម​សេចក្តីជូនដំណឹង​របស់​​​ក្រសួង​ព័ត៌មាន​ ​កាលពី​ថ្ងៃ​ទី​២​៥​កុម្ភៈ​ ​បាន​ស្នើ​ដល់​ម្ចាស់​ប្រព័ន្ធ​ផ្សព្វផ្សាយ​ ​ប្រធាន​អង្គការ​ ​និង​សមាគម​អ្នក​សារ​ព័ត៌មាន​ទាំងអស់​ ​សហការ​ក្នុង​ការរៀបចំ​សិក្ខាសាលា​ ​និង​បើក​វគ្គ​បណ្តុះបណ្តាល​ជំនាញ​សារ​ព័ត៌មាន​ផ្សេងៗ​ ​ដើម្បី​បង្កើន​ប្រសិទ្ធ​ភាព​ ​ជាពិសេស​ក្រុម​យុវជន​ដែល​ស្រឡាញ់​ខាង​វិ​ស័យ​មួយ​នេះ​។​

​លោក​ ​ខៀវ​ ​កា​ញា​រី​ទ្ធ ​រដ្ឋមន្ត្រី​ក្រសួង​ព័ត៌មាន​ ​បាន​លើកឡើង​ថា​ ​ការ​ស្នើ​នេះ​ ​ធ្វើឡើង​ដើម្បី​អប់រំ​ ​បណ្តុះ​បណ្ដាល​ ​និង​អភិវឌ្ឍ​ធនធានមនុស្ស​លើ​វិ​ស័យ​សារ​ព័ត៌មាន​ឱ្យ​ចំ​គោលដៅ​ ​មានគុណ​ភាព​ ​និង​មានការ​ទទួលខុស​ខ្ពស់​ ​ដោយ​បំ​ពេញការ​ងារ​ជា​អ្នក​សារ​ព័ត៌មាន​ដែល​មាន​វិជ្ជាជីវៈ​ ​ព្រមទាំង​លើកស្ទួយ​សិទ្ធិ​ ​សេរីភាព​សារ​ព័ត៌មាន​ ​ស្របតាម​រដ្ឋធម្មនុញ្ញ​នៃ​ព្រះរាជាណាចក្រកម្ពុជា​ ​និង​ច្បាប់​ស្តីពី​របប​សារ​ព័ត៌មាន​។​

​ចំពោះ​កា​របើក​វគ្គ​បណ្ដុះបណ្ដាល​នេះ​ម្ចាស់​ប្រព័ន្ធ​ផ្សព្វផ្សាយ​ទាំងអស់​ ​និង​អង្គការ​ ​សមាគម​ ​មានបំណង​បើក​វគ្គ​លើ​វិ​ស័យ​សារ​ព័ត៌មាន​ក្រៅពី​អង្គភាព​របស់​ខ្លូ​ន​ ​ត្រូវ​ជូនដំណឹង​ជាមុន​មក​ក្រសួង​ព័ត៌មាន​ ​ដើម្បី​មាន​កិច្ច​សហការ​ជាមួយ​ក្រសួង​ ​ស្ថាប័ន​ជំនាញ​ពាក់ព័ន្ធ​ធ្វើ​ការអប់រំ​។​