វៀតណាម​ ​ព្រួយបារម្ភ​ពី​វី​រុ​ស​បំប្លែង​ថ្មី​ ​៥​ប្រភេទ​ផ្សេងគ្នា​កំពុង​មាន​វត្តមាន​លើទឹក​ដី​ខ្លួន​

លោក​ N​guy​e​n ​Than​h​ ​Long​ ​រដ្ឋ​ម​ន្រ្តី​ក្រសួងសុខាភិបាល​វៀតណាម​ ​បាន​ឱ្យ​ដឹង​ថា​ ​ជនជាតិ​ជប៉ុន​ម្នាក់​ ​ដែល​ស្លាប់​ក្នុង​សណ្ឋាគារ​មួយ​នៅ​ទីក្រុង​ហាណូយ​ ​កាលពី​ពាក់កណ្តាល​ខែកុម្ភៈ​ ​គឺ​ពិតជា​ឆ្លង​វី​រុ​ស​កូរ៉ូ​ណា​បំ​ប្លែងខ្លួន​ថ្មី​មែន​ ​បន្ទាប់ពី​លទ្ធផល​តេ​ស្ត​ហ្សែ​ន​ ​បាន​បង្ហាញ​ថា​ ​វី​រុ​ស​បំ​ប្លែងខ្លួន​ថ្មី​នេះ​ត្រូវ​បាន​គេ​ហៅថា​ 20C ​ដែល​ជា​ទម្រង់​នៃ​វី​រុ​ស​ដែល​កំពុង​សាយភាយ​នៅ​ក្នុង​ប្រទេស​កូរ៉េ​ខាងត្បូង​ ​ស្រី​លង្កា​ ​ឥណ្ឌា​ ​និង​តៃ​វ៉ាន់​។​ ​នេះ​បើ​តាម​ការ​ចេញផ្សាយ​ដោយសារ​ព័ត៌មាន​ ​T​uo​i​ ​T​r​e​ ​កាលពី​ថ្ងៃ​ទី​២​៥​ ​ខែកុម្ភៈ​ ​ឆ្នាំ​២​០​២​១​ ​កន្លងទៅ​។​

​ប្រភព​ខាងលើ​ ឱ្យ​ដឹង​ថា​ ​វា​ជា​លើកទីមួយ​ហើយ​ ​ដែល​មេរោគ​នេះ​ត្រូវ​បាន​គេ​រក​ឃើញ​នៅ​ក្នុង​ប្រទេស​វៀតណាម​ ​ហើយ​វា​គឺជា​វី​រុ​ស​បំ​ប្លែងខ្លួន​ទី​៥​ ​ដែល​ត្រូវ​បាន​រក​ឃើញ​នៅ​ក្នុង​ប្រទេស​អាស៊ី​អាគ្នេយ៍​មួយ​នេះ​។​ ​វី​រុ​ស​៤​ប្រភេទ​ផ្សេងទៀត​មាន​ដូចជា​ B.1.1.7 ​មកពី​ចក្រភពអង់គ្លេស​, B.1.351 ​ត្រូវ​បាន​រក​ឃើញ​ដំបូង​នៅ​អាហ្វ្រិក​ខាងត្បូង​, ​A​.23.1 ​ដែល​លេចចេញ​ជាលើកដំបូង​នៅ​ក្នុង​ប្រទេស​រ្វ៉ាន់​ដា​កាលពី​ខែ​តុលា​ឆ្នាំ​២​០​២​០​ ​និង​ ​D​614​G​ ​ដែល​ក្រុម​អ្នក​វិទ្យា​សា​ស្រ្ត​ហៅថា​ (​G​)​។​

​ជាមួយនឹង​ការ​រក​ឃើញ​វី​រុ​ស​បំ​ប្លែងខ្លួន​កាន់តែ​ច្រើន​បែប​នេះ​ ​លោក​រដ្ឋ​ម​ន្រ្តី N​guy​e​n ​Than​h​ ​Long​ ​បាន​ព្រមាន​ថា​ ​«​ភ្នាក់ងារ​បង្ក​ជំងឺ​អាច​នៅតែ​មាននៅ​ក្នុង​សហគមន៍​ ​ដូច្នេះ​វា​ជា​ការចាំបាច់​ដើម្បី​បង្កើន​ការប្រុងប្រយ័ត្ន​សម្រាប់​ការ​ការពារ​ជំងឺរាតត្បាត​»​៕​