ស្ត្រី​មាន​កូ​វី​ដ​ម្នាក់​ធ្លាប់​កំដរ​ម្ដាយ​នៅ​ពេទ្យ​ ​ជិះកង់​បី​ទៅ​ស្រុក​ ​និង​ញ៉ាំបាយ​ជុំ​អ្នកជិតខាង​

​អ្នកជំងឺ​ឈ្មោះ​ គិ​ន​ ​កុលាប​ ​ភេទ​ស្រី​ ​អាយុ​៣​៦​ឆ្នាំ​ ​រក​ឃើញ​វិជ្ជមាន​ថ្ងៃ​ទី​២​៤​ ​ខែកុម្ភៈ​ ​ឆ្នាំ​២​០​២​១​។​ ​ស្ត្រី​ម្នាក់​នេះ​ ​កាលពី​ថ្ងៃ​ទី​១​៩​ ​បាន​ទៅ​ញ៉ាំបាយ​ជាមួយ​មិត្តភក្តិ​ធ្វើការ​នៅ​ក្លិ​ប​ N8 ​ហើយ​នៅ​ថ្ងៃ​ទី​២​០​ ​មាន​អា​កា​រៈ​ស្ងួត​ក​ ​និង​គ្រុនក្ដៅ​។​ ​ចាប់ពី​ថ្ងៃ​ទី​២​១​ ​ដល់​ថ្ងៃ​ទី​២​៤​ ​ស្ត្រី​ដដែល​នេះ​ ​បាន​កំដរ​ម្ដាយបង្កើត​ឈឺ​នៅ​មន្ទីរពេទ្យ​កាល់​ម៉ែត្រ​ ​ហើយ​បាន​ជូន​ម្ដាយ​ទៅផ្ទះ​នៅ​ភូមិ​ជំនិត​ ​ឃុំ​កំពង់​ពពិល​ ​ស្រុក​ពា​រាំង​ ​ខេត្ត​ព្រៃវែង​ ​ព្រមទាំង​ទទួលទាន​អាហារ​ជុំគ្នា​ជាមួយនឹង​អ្នកជិតខាង​ផង​។​

​នេះ​បើ​តាម​លោក​ ​ខៀវ​ ​កា​ញា​រី​ទ្ធ ​រដ្ឋមន្ត្រី​ក្រសួង​ព័ត៌មាន​ ​ស្រង់​សេចក្តីរាយការណ៍​របស់​មន្ទីរ​ព័ត៌មាន​ ​ខេត្ត​ព្រៃវែង​ ​មក​បង្ហោះ​លើ​ទំព័រ​ហ្វេសប៊ុក​ផ្លូវការ​របស់​ខ្លួន​យ៉ាង​ដូច្នេះ​ ​នៅ​ព្រឹក​ថ្ងៃ​ទី​២​៥​ ​ខែកុម្ភៈ​ ​ឆ្នាំ​២​០​២​១​។​

​បើ​តាម​សេចក្ដីរាយការណ៍​ដដែល​ ​បាន​បញ្ជាក់​ថា​ ​អ្នកជំងឺ​ឈ្មោះ​ គិ​ន​ ​កុលាប​ ​មាន​អាសយដ្ឋាន​រស់​នៅផ្ទះ​លេខ​១​១​៣​២​ ​ភូមិ​ឃ្លាំងសាំង​ ​សង្កាត់​-​ខណ្ឌ​ ​ឫស្សីកែវ​ ​ក្រោយ​ឃ្លាំងសាំង​សូ​គី​ម៉ិ​ច​ ​ជិត​សកលវិទ្យាល័យ​ការពារ​ជាតិ​ ​ដែល​មាន​សមាជិក​គ្រួសារ​ប្រហែល​៨​នាក់​ ​និង​មាន​ប្តី​អ្នក​រត់​កង់​បី​ ​ឈ្មោះ​ ​ស៊ី​ ​ថា​ត់ ​អាយុ​៣​៨​ឆ្នាំ​។​ ​ចំណែក​កូន​ទី​១​ ​អាយុ​១​៣​ឆ្នាំ​ ​រៀន​ថ្នាក់​ទី​៨​ ​សាលា​ ​A​B​I​ ​បឹង​សាឡាង​។​ ​កូន​ទី​២​ ​អាយុ​១​១​ឆ្នាំ​ ​រៀន​ថ្នាក់​ទី​៦​ ​សាលា​បឹង​ឈូក​១​។​

​ទោះ​យ៉ាងណា​ ​បច្ចុប្បន្ននេះ​ ​អ្នក​ពាក់​ព័ទ្ធ​ត្រូវ​អាជ្ញាធរ​ស្រុក​ពា​រាំង​ ​ការិយាល័យ​សុខាភិបាល​ស្រុក​ ​និង​ខេត្ត​ស្រាវជ្រាវ​យកមក​ធ្វើ​ច​ត្តាឡី​ស័ក​នៅ​ខេត្ត​ព្រៃវែង​៕​