ខេត្ត​បាត់​ដំបង​ត្រៀម​វ៉ាក់សាំង​កូ​វី​ដ​១​៩​ជិត​មួយ​ម៉ឺន​ដូ​ស​ចាក់​ឱ្យ​ម​ន្រ្តី​និង​និស្សិត​សុខាភិបាល​ខេត្ត​

​លោក​ វឿ​ង​ ​ប៊ុន​រ៉េត​ ​ប្រធានមន្ទីរ​សុខាភិបាល​ ​ខេត្ត​បាត់​ដំបង​ ​បាន​ឱ្យ​ដឹង​ថា​ ​មន្ទីរ​សុខាភិបាល​នឹង​អនុវត្ត​កម្មវិធី​ ​ចាក់​វ៉ាក់សាំង​កូ​វី​ដ​១​៩​ ​ស៊ី​ណូ​ហ្វា​ម​របស់​ចិន​លើក​ទី​១​ ​ដល់​មន្ត្រី​នគរបាល​ជាតិ​ក្នុង​ខេត្ត​បាត់​ដំបង​ ​មន្ត្រី​រាជការ​សុខាភិបាល​ទូទាំង​ខេត្ត​ ​និង​និស្សិត​សាលាមធ្យមសិក្សា​សុខាភិបាល​ភូមិភាគ​បាត់​ដំបង​ ​ចាប់ពី​ថ្ងៃ​ទី​២​៥​ ​ខែកុម្ភៈ​ ​ឆ្នាំ​២​០​២​១​ ​ខាងមុខ​ ​។​

​លោក​បញ្ជាក់​ថា​ ​វ៉ាក់សាំង​កូ​វី​ដ​១​៩​ ​ស៊ី​ណូ​ហ្វា​ម​របស់​ចិន​ដែល​ត្រៀម​ចាក់​នៅ​ខេត្ត​បាត់​ដំបង​លើក​ទី​១​ ​មាន​ចំនួន​ ​៩​ ​៦​០​០​ ​ម្ជុល​ឬ​ដូ​ស​ ​ដែល​កម្មវិធី​ចាក់​វ៉ាក់សាំង​នឹង​ចាប់ផ្តើម​នៅ​ម៉ោង​ ​៨​:​០​០​ ​ព្រឹក​ដល់​១​២​:​០​០​ថ្ងៃត្រង់​ ​និង​រសៀល​ពី​ម៉ោង​១​៤​:​០​០​ដល់​១​៧​:​០​០​ល្ងាច​។​

​មន្ទីរ​សុខាភិបាល​បន្ត​ថា​ ​ការ​ចាក់​វ៉ាក់សាំង​លើក​ទី​១​ ​ដល់​ម​ន្រ្តី​នគរបាល​ ​ម​ន្រ្តី​និង​និស្សិត​សុខាភិបាល​ ​ខេត្ត​បាត់​ដំបង​នេះ​ធ្វើ​នៅ​៦​ទីតាំង​ ​ក្នុង​នោះ​មាននៅ​មន្ទីរពេទ្យ​ខេត្ត​បាត់​ដំបង​ ​មន្ទីរពេទ្យ​បង្អែក​មោង​ឬស្សី​ ​មន្ទីរពេទ្យ​បង្អែក​សំពៅ​លូន​ ​មន្ទីរពេទ្យ​បង្អែក​ថ្ម​គោល​ ​មន្ទីរពេទ្យ​បង្អែក​ប​វេ​ល​ ​និង​មន្ទីរពេទ្យ​ ​បង្អែក​ឯក​ភ្នំ​។​

​សូម​ជម្រាប​ជូន​ថា​ ​ចាប់ពី​ថ្ងៃ​ទី​១​០​ ​ដល់​ទី​២​៣​ ​ខែកុម្ភៈ​ ​ឆ្នាំ​២​០​២​១​ ​អ្នកទទួល​ចាក់​វ៉ាក់សាំង​បង្ការ​ជំងឺ​កូ​វី​ដ​១​៩​ ​មាន​ចំនួន​សរុប​ ​៤​៤​ ​៥​០​៥​ ​នាក់​ហើយ​។​ ​នៅ​ក្នុង​នោះ​ខាង​ក្រសួងសុខាភិបាល​ ​មាន​ចំនួន​ ​៧​ ​៧​៧​០​ ​នាក់​ ​និង​ខាង​ក្រសួង​ការពារ​ជាតិ​ ​មាន​ចំនួន​ ​៣​៦​ ​៧​៣​៥​ ​នាក់​។​ ​នេះ​បើ​តាម​របាយការណ៍​ ​ដែល​បាន​ផ្សព្វផ្សាយ​ដោយ​ក្រសួង​ការពារ​ជាតិ​ ​និង​អ្នកនាំពាក្យ​ក្រសួងសុខាភិបាល​។
​
​រដ្ឋាភិបាល​ចិន​បាន​ប្រកាស​ផ្តល់​ជំនួយ​វ៉ាក់សាំង​១​លាន​ដូ​ស​ ​ដល់​ប្រជាពលរដ្ឋ​កម្ពុជា​។​ ​នៅ​ថ្ងៃ​ទី​៧​ ​ខែកុម្ភៈ​ ​ចិន​បាន​ដឹកជញ្ជូន​វ៉ាក់សាំង​កូ​វី​ដ​១​៩​ ​ចំនួន​៦​០​ម៉ឺន​ដូ​ស​ ​តាមយន្តហោះ​ពិសេស​ ​មក​ប្រគល់​រាជរដ្ឋាភិបាល​កម្ពុជា​។​ ​វ៉ាក់សាំង​នោះ​ ​បាន​បែងចែក​ជា​ពីរ​ ​គឺ​៣​០​ម៉ឺន​ដូ​ស​ ​សម្រាប់​ក្រសួងសុខាភិបាល​ ​និង​៣​០​ម៉ឺន​ដូ​ស​ ​សម្រាប់​ក្រសួង​ការពារ​ជាតិ​។​

​ក្រសួងសុខាភិបាល​និង​ក្រសួង​ការពារ​ជាតិ​បាន​ចាប់ផ្តើម​យុទ្ធនាការ​ចាក់​វ៉ាក់សាំង​កូ​វី​ដ​១​៩​ ​ដល់​ក្រុម​គោលដៅ​ជួរមុខ​ ​ជា​ឥស្សរជន​ក្នុង​ជួរ​រាជរដ្ឋាភិបាល​ ​ព្រឹទ្ធសភា​ ​រដ្ឋសភា​ ​មន្ត្រី​រាជការ​ ​ប៉ូលិស​ ​ទាហាន​ ​ក្រុម​គ្រូពេទ្យ​ ​រួម​ទាំង​អ្នកកាសែត​ ​និង​មន្ត្រី​រាជការ​តាម​បណ្តា​ខេត្ត​ជាដើម​ ​ចាប់តាំង​ពី​ថ្ងៃ​ទី​១​០​ ​ខែកុម្ភៈ​មក​។​

​តាម​ការ​កត់​សម្គាល់​នៅ​ថ្ងៃ​ទី​២​៤​ ​ខែកុម្ភៈ​ ​ឆ្នាំ​២​០​២​១​នេះ​ ​ដល់​ថ្ងៃ​ចាក់​វ៉ាក់សាំង​លើក​ទី​២​ ​មានន័យ​ថា​ ​ម្នាក់​ត្រូវ​ចាក់​២​ដូ​ស​។​ ​លោកស្រី​ ​ឱ​ ​វណ្ណ​ឌី​ន​ ​រដ្ឋលេខាធិការ​ ​និង​ជា​អ្នកនាំពាក្យ​ក្រសួងសុខាភិបាល​ ​បាន​ប្រកាស​ថា​ ​អ្នក​ចាក់​លើក​ទី​១​ ​ចាក់​នៅកន្លែង​ណា​ត្រូវ​ទៅ​ចាក់​លើក​ទី​២​ ​នៅកន្លែង​ដដែល​ ​តែ​កុំ​ឱ្យ​ហួសពី​១​៤​ ​ទៅ​២​៨​ថ្ងៃ​ ​រាប់​ពី​ថ្ងៃ​ចាក់​លើក​ទី​១​៕​