សាលារៀន​ ​A​I​S ​សាខា​ចាក់​អង្រែ​ ​ប្តូរ​ទៅ​រៀន​តាម​អន​ឡា​ញ​បណ្ដោះអាសន្ន​

​សាលារៀន​ ​អន្តរទ្វីប​ ​អាមេរិកាំង​ ​សាខា​ចាក់​អង្រែ​ ​នៅ​ថ្ងៃ​ទី​២​២​ ​កុម្ភៈ​ ​នេះ​ ​បាន​ផ្លាស់ប្តូរ​ពី​សិក្សា​នៅ​ក្នុង​ថ្នាក់​ទៅ​សិក្សា​ពី​ចម្ងាយ​តាមរយៈ​ប្រព័ន្ធ​អេ​ឡិច​ត្រូនិ​ក​ជា​បណ្តោះអាសន្ន​។​ ​ការផ្លាស់ប្តូរ​ពី​សិក្សា​នៅ​ក្នុង​ថ្នាក់​ទៅ​សិក្សា​ពី​ចម្ងាយ​ជា​បណ្ដោះអាសន្ន​នា​ពេលនេះ​ ​បន្ទាប់ពី​ក្រសួង​អប់រំ​ ​យុវជន​ ​និង​កីឡា​ ​ប្រកាស​ផ្អាក​ជា​បណ្ដោះអាសន្ន​។

​សាលារៀន​រដ្ឋ​និង​ឯកជន​មួយ​ចំនួន​ ​ដែល​មាន​ភូមិ​សា​ស្រ្ត​ស្ថិត​ក្នុង​រាជធានី​ភ្នំពេញ​ ​និង​ខេត្ត​កណ្តាល​។​ ​ក្នុង​នោះ​រួម​មាន​អនុវិទ្យាល័យ​ឫស្សី​ជ្រោយ​ ​សាលាបឋមសិក្សា​ ​ហ៊ុន​ ​សែន​ ​ឫស្សី​ជ្រោយ​ ​ស្រុក​ស្អាង​ ​អនុវិទ្យាល័យ​ឫស្សីស្រុក​ ​ស្រុក​កៀន​ស្វាយ​ ​ខេត្ត​កណ្ដាល​ ​សាលាបឋមសិក្សា​កូ​លាប​ទី​១​ ​និង​សាលារៀន​ ​អន្តរទ្វីប​ ​អាមេរិកាំង​ ​សាខា​ចាក់​អង្រែ​។​

​គណៈ​គ្រប់គ្រង​សាលារៀន​ ​អន្តរទ្វីប​ ​អាមេរិកាំង​ ​បាន​ឱ្យដឹ​ថា​ ​ការផ្លាស់ប្តូរ​ពី​សិក្សា​នៅ​ក្នុង​ថ្នាក់​ទៅ​សិក្សា​ពី​ចម្ងាយ​ជា​បណ្ដោះអាសន្ន​នា​ពេលនេះ​ ​ដើម្បី​ចៀសវាង​ការ​ឆ្លង​ជំងឺ​កូ​វី​ដ​១​៩​ ​ចូលក្នុង​សាលារៀន​ ​និង​រីក​រាលដាល​ក្នុង​សហគមន៍​ ​ហើយ​សិស្សានុសិស្ស​គ្រប់​ក​ម្រិ​ត​ទាំងអស់​នៅ​សាខា​ចាក់​អង្រែ​នឹង​ត្រូវ​ផ្លាស់ប្តូរ​ពី​ការសិក្សា​ក្នុង​ថ្នាក់រៀន​ផ្ទាល់​មក​សិក្សា​ពី​ចម្ងាយ​ ​និង​តាមរយៈ​ប្រព័ន្ធ​អេ​ឡិច​ត្រូនិ​ក​ជា​បណ្តោះអាសន្ន​។​

​សាលារៀន​បាន​បញ្ជាក់​ថា​ ​សាលា​នឹង​បង្រៀន​សិស្ស​តាមរយៈ​កម្មវិធី​ ​Goo​g​l​e​ ​Classroom​, ​Zoo​m​, ​T​e​l​a​gram​, ​Messenger​, ​Goo​g​l​e​ ​Meet​ ​និង​កម្មវិធី​ on​line​ ​ផ្សេងទៀត​ទៅតាម​កាលវិភាគ​ ​និង​វេន​សិក្សា​របស់​ប្អូន​ៗ​សិស្សានុសិស្ស​។​ ​ជាមួយនឹង​គ្នា​នេះ​ ​គណៈ​គ្រប់គ្រង​សាលារៀន​ ​អន្តរទ្វីប​ ​អាមេរិកាំង​ ​សាខា​ចាក់​អង្រែ​ ​បាន​អំពាវនាវ​ដល់​មាតា​បី​តា​ ​ឬ​អាណាព្យាបាល​សិស្ស​ទាំងអស់​ចូលរួម​សហការ​ដោយ​យោគយល់​៕​