យោងតាមការចុះផ្សាយរបស់សារព័ត៌មានរ៉យទ័រ នៅព្រឹកថ្ងៃទី២១ ខែមករា ឆ្នាំ២០២១ បានឱ្យដឹងថា លោក ចូ ប៉ៃឌិន ប្រធានាធិបតីថ្មីរបស់អាមេរិកបានចុះហត្ថលេខាលើសកម្មភាពប្រតិបត្តិចំនួន១៥ភ្លាមៗ បន្ទាប់ពីបានស្បថចូលកាន់តំណែង ដោយមិនធ្វើគោលនយោបាយដែលបានដាក់ចេញដោយលោក ដូណាល់ ត្រាំ ឡើងវិញនោះទេ។
ក្រៅពីចុះអត្ថលេខាលើសកម្មភាពផ្សេងៗ ក្នុងនោះរួមមានទាំងការដោះស្រាយបញ្ហាជំងឺរាតត្បាតកូវីដ១៩ ដែលជាចំណាត់ការដំបូងរបស់លោក និងការប្រែប្រួលអាកាសធាតុ។ ខណៈពេលចុះហត្ថលេខាលើសកម្មភាពជាច្រើននៅចំពោះមុខអ្នកសារព័ត៌មាននៅការិយាល័យ Oval លោក ចូ ប៉ៃឌិន បាននិយាយថា «គ្មានពេលវេលាត្រូវខ្ជះខ្ជាយ» ក្នុងការចេញបទបញ្ជាប្រតិបត្តិ អនុស្សរណៈ និងសេចក្តីណែនាំនានានោះទេ៕
