ក្រសួងសុខាភិបាល​ច្រានចោល​ព័ត៌មាន​ដែល​ថា​ ​មានការ​សូកប៉ាន់​ក្នុង​ម្នាក់​១​.​៥​ម៉ឺន​ដុល្លារ​

លោកស្រី​ ​ឱ​ ​វណ្ណ​ឌី​ន​ ​រដ្ឋលេខាធិការ​ ​និង​ជា​អ្នកនាំពាក្យ​ក្រសួងសុខាភិបាល​ ​បាន​ច្រានចោល​ទាំងស្រុង​ចំពោះ​ ​ការ​ផ្សព្វផ្សាយ​មួយ​ចំនួន​ដែល​ថា​ ​មានការ​សូកប៉ាន់​រហូត​ ​១​ ​៥​០​០​០​ ​ដុល្លារ​ ​ក្នុង​ម្នាក់ៗ​ ​ដើម្បី​ចូល​ក្របខណ្ឌ​ពេទ្យ​ ​នៅ​ខេត្ត​បន្ទាយ​មានជ័យ​។​

​លោកស្រី​ ​បាន​ចាត់ទុកថា​ ​នេះ​ជា​ការ​ចុះផ្សាយ​បែប​ចោទប្រកាន់​មាន​ចរិត​ញុះញង់​ដោយ​គ្មាន​ការ​ភាព​ច្បាស់លាស់​ ​ដែល​ធ្វើ​ឱ្យ​ប៉ះពាល់​ដល់​កិត្តិយស​ ​និង​កិច្ច​ខិតខំ​ប្រឹងប្រែង​របស់​មន្ទីរ​សុខាភិបាល​ ​ខេត្ត​បន្ទាយ​មានជ័យ​ ​ក្នុង​ការ​ប្រយុទ្ធ​នឹង​ជំងឺ​កូ​វី​ដ​១​៩​ ​ទាំងយប់​ទាំង​ថ្ងៃ​គ្មាន​បាន​សម្រាក​។​

​«​ក្រសួង​សុំ​បញ្ជាក់​ថា​ ​ការ​ជ្រើសរើស​ចូល​ក្របខណ្ឌ​នេះ​ ​មន្ទីរ​សុខាភិបាល​ខេត្ត​ ​មិន​មាន​សិទ្ធិ​ក្នុង​ការ​សម្រេច​នោះ​ឡើយ​ ​គឺ​គ្រាន់តែ​អនុវត្ត​ទៅតាម​ការណែនាំ​របស់​​​ក្រសួងសុខាភិបាល​តែប៉ុណ្ណោះ​ ​ក្នុង​ការរៀបចំ​សំណើ​ទៅ​ក្រសួង​ដោយ​ផ្អែកលើ​គោល​ការ​ណ៍​ណែនាំ​។​ ​ប្រសិនបើ​មាន​ហេតុការណ៍​កើតមានឡើង​ ​តាម​ការចោទប្រកាន់​បែប​នេះ​ ​ក្រសួងសុខាភិបាល​ ​ស្នើសុំ​ឱ្យ​អ្នក​ដែល​បាន​លើក​ពី​ករណី​សូកប៉ាន់​នៅ​ខេត្ត​នេះ​ ​បង្ហាញ​ភ័ស្តុ​តាង​ច្បាស់លាស់​ ​ដើម្បី​ក្រសួង​ចាត់ការ​តាម​និតិ​វិធី​ ​ហើយ​ទាំង​អ្នក​សូក​ ​និង​អ្នក​ស៊ីសំណូក​នឹង​ទទួលទោស​ដូចគ្នា​»​។​

​ក្រសួងសុខាភិបាល​ ​តាមរយៈ​លោកស្រី​ ​ឱ​ ​វណ្ណ​ឌី​ន​ ​បាន​ស្នើ​ឱ្យ​សារ​ព័ត៌មាន​ទាំងអស់​ ​ដែល​បាន​ចុះ​ផ្សាយដំណឹង​ខាងលើ​នេះ​កែតម្រូវ​ឡើងវិញ​ជាចាំបាច់​៕​
​