អត្ថបទ៖ អ៊ុន សុវិច្ឆ័យ
ក្នុងបន្ទប់ចាក់បញ្ចាំង ខ្សែភាពយន្ត រាមាយណៈឥណ្ឌា នៅថ្ងៃទី៤ ខែកក្កដា ឆ្នាំ២០១៩នេះ លោក គង់ ធន គ្រូមធ្យមសិក្សាទុតិយភូមិ ជំនាញអក្សរសាស្រ្ដខ្មែរ សាលារៀន អន្តរទ្វីប អាមេរិកាំង បានមានប្រសាសន៍ថា សិក្សាមេរៀនផ្សារភ្ជាប់ខែ្សភាពយន្ដ ជាវិធីសាស្រ្តមួយ ដើម្បីជំរុញឱ្យសិស្សយល់កាន់តែច្បាស់ពីខ្លឹមសារសាច់រឿង ចេះកំណត់តួរអង្គ កំណត់ព្រឹត្តិការណ៍រឿង និងចេះសង្ខេបសាច់រឿងជាដើម។
មុនពេលសិស្សទស្សនាភាពយន្ដ សិស្សានុសិស្សទាំងអស់ក៏បានឆ្លងកាត់ការអានសៀវភៅឱ្យរួចហើយដែរ ដើម្បីធ្វើឱ្យមានភាពងាយស្រួល និងយល់ច្បាស់លាស់ថែមទៀត ព្រោះថាការអាន គឺគ្រឹះដ៏រឹងមាំសម្រាប់ការសិក្សា នេះការបញ្ជាក់របស់ លោក គង់ ធន គ្រូមធ្យមសិក្សាទុតិយភូមិ ជំនាញអក្សរសាស្រ្ដខ្មែរ សាលារៀន អន្តរទ្វីប អាមេរិកាំង។
ចំណោមសិស្សថ្នាក់ទី១២ ចំនួន២៤នាក់ ដែលបានចូលរួមទស្សនានោះ យុវសិស្ស អ៊ុន ប៊ុនហេង បានលើកឡើងថា ការចាក់បញ្ជាំងនេះមានសារៈសំខាន់ សម្រាប់ការសិក្សា ព្រោះថាមានការឆ្លុះបញ្ចាំងរវាងខ្លឹមសាររឿង ទៅនឹងមេរៀន តែបើអានសៀវភៅវិញ ដ្បិតបានដឹងលម្អិត តែពេលខ្លះធ្វើឱ្យយើងស្មុគស្មាញ អាចវង្វេងតួអង្គ ឬវង្វេងសាច់រឿងត្រង់ចំណុចណាមួយ។ ដូច្នេះការទស្សនាភាពយន្ដ ក៏ជាចំណែកមួយធ្វើឱ្យខួរក្បាលចាប់បាន និងធ្វើឱ្យការចង់ចាំបានយូរ ហើយចេះធ្វើការប្រៀបធៀបផង។
ស្រដៀងគ្នានេះ យុវតី លឹម ព្រីសាណា ការចាក់បញ្ចាំងភាពយន្ត អាចឱ្យយល់ដឹងកាន់ដឹងបានច្រើន និងកាន់តែស៊ីជម្រៅថែមទៀទៅលើមេរៀន ហើយការទស្សនាភាពយន្ត ធ្វើឱ្យការចង់ចាំបានយូ ហើយអាចចេះកំណត់ចរិតតួអង្គរឿង៕
