អត្ថបទ៖ អុន គន្ធា
ចាងហ្វាងរងក្រោមមត្តេយ្យ មត្តេយ្យ និងបឋមសិក្សា សាលារៀន អន្តរទ្វីប អាមេរិកាំង សាខាម៉ៅសេទុង លោកស្រី លុក វណ្ណារុន នៅថ្ងៃទី១៣មិថុនានេះ បានលើកឡើងថា សាលានឹងរៀបចំប្រារព្ធពិធីប្រគល់វិញ្ញាបនបត្រលើកទី១២ ដល់កុមារជាសិស្សានុសិស្ស ចំនួន១៧៧នាក់ ដែលបានបញ្ចប់ការសិក្សាថ្នាក់មត្តេយ្យ នាព្រឹកថ្ងៃទី២៤ ខែកក្កដា ឆ្នាំ២០១៩ ខាងមុខ នៅសាល ផល គួច នៃអគារសាលារៀន អន្តរទ្វីប អាមេរិកាំង។
លោកស្រីបញ្ជាក់ថា ការប្រគល់វិញ្ញាបនបត្របញ្ជាក់ការសិក្សាដល់សិស្សថ្នាក់មតេ្តយ្យសិក្សានេះ ដើម្បីជាសក្ខីភាពសបញ្ជាក់នូវការបញ្ចប់ការសិក្សាចំណេះទូទៅតាមកម្រិតសិក្សា និងដើម្បីជាចំណងអនុស្សាវរីយ៍ ក្នុងកាសិក្សារបស់សិស្សានុសិស្សដែលបានបញ្ចប់ថ្នាក់មត្តេយ្យសិក្សាដោយជោគជ័យនៅសាលារៀន អន្តរទ្វីបអាមេរិកាំង និងមួយទៀតចង់បង្ហាញឱ្យអ្នកអាណាព្យាបាលសិស្សបានឃើញពីលទ្ធផលការសិក្សាកូនរបស់ពួកគាត់ ព្រមទាំងជាចំណងអនុស្សាវរីយ៍ដ៏មានអត្ថន័យយ៉ាងជ្រៀលជ្រៅមួយ ក្នុងការសិក្សារបស់សិស្សានុសិស្ស ដែលបានសប្បាយរីករាយក្នុងការជួបជុំគា្ន ដែលមិនអាចបំភ្លេចបានក្នុងជីវិតរបស់សិក្សា។
លោកស្រីមានប្រសាសន៍ទៀតថា កម្មវិធីនេះដោយមានការអញ្ជើញចូលរួមពីសំណាក់ ប្រធានសាលារៀន អន្ដរទ្វីប អាមេរិកាំង លោកស្រី រស់ យ៉ាណា និងប្រធានសាខា ចាងហ្វាង ចាងហ្វាងរងទទួលបន្ទុក លោកគ្រូ អ្នកគ្រូក្រោមមត្តេយ្យ មត្តេយ្យសិក្សា មាតាបិតា ព្រមទាំងអ្នកអាណាព្យាបាលរបស់សិស្ស។
សូមជម្រាបថា ក្នុងពិធីចែកវិញ្ញាបនបត្រនេះ ក៏មានផងដែរ សម្ដែងរបាំប្រពៃណី បង្ហាញក្បាច់រាំ និងសម្ដែងរឿងជាច្រើនទៀតរបស់សិស្សថ្នាក់មតេយ្យផងដែរ៕
